Accessibility links

Кайнар хәбәр

Rinat Xalitov orkestrı gastrollärgä cıyına


Qazan pedagogika universitetınıñ muzıka fakul'tetı studentları fakul'tet könen ütkärgändä Miñğol Ğaliev, Aydar Fäyzraxmanov, Lidiä Äxmätova häm başqalar başqarğan cırlar, moñnar aşa , bu bäyräm, küplärneñ küñelenä studentlarnıñ gimnı bulğan “Qazan kiçläre” cırı bulıp señep qaldı. “Uniks” konsert zalında İlsur Safinnıñ 15 läp oyışmadan sponsorlar yärdämendä häm 60 lap keşe qatnaşlığında tatarça-rusça barğan konsertnı zalda utırğan tamaşaçı nindider ber “aqsöyäklär” tamaşasınnan ber küreneş itep qabul itte. Comğa könne bu konsert turında “Watanım Tatarstan” gäzitendä mäqälä dä bastırılğan. Ä pänceşämbe könne şul uq “Uniks” konsert zalında Liliä Mullağalievanıñ konsertı da tulı zalda uzıp kitte. Ä menä aldağı atnada Rinat Xalitov citäkçelegendäge orkestr gastrol'lärgä cıyına. Qazan Däwlät Konservatoriäseneñ tatar muzıka fakul'tetı, orkestrnıñ gastrol'läre aldınnan 22 oktäberdä jurnalistlar belän oçraşu uzdırdı. Bu oçraşuda Rinat Xalitov citäkçelegendäge tatar muzıkası orkestrı jurnalistlar aldında üzläreneñ gastrol'gä alıp çığarğa äzerlägän programmasın täqdim itte. Häm oçraşu waqıtında jurnalistlarnıñ küp kenä sorawlarına cawaplar birelde.Bik küp illärdä çığış yasap uñışlarğa ireşkän bu orkestrnıñ gastrol'läre bu yulı İdel buyında urnaşqan şähärlärdä baraçaq: 26 oktäberdä- Ul'yan şähärennän başlasalar, 27 oktäberdä alar - Samarada, 28 ndä - Saratovta, 30да – Elistada , 1-noyäberdä Ästerxanda bulaçaqlar.Orkestr gastrol'dän äylänep qaytqaç, bez sezgä tağın alar turında söylärbez äle.

Mälikä Basıyr .

XS
SM
MD
LG