İzrail' saqlanu ministrı Şaul Mofaz bügen xökümät utırışında İzrail' iminlek köçläre Yassir Arafatnı Gazada cirläwgä äzerlek eşlären tämamladı dip äytte dielä.
Utırışta qatnaşuçılar äytüençä, bu äzerlek çaralarına Könbatış Yardan fälestinlelärne aftobuslar belän İzrail' aşa Gazağa alıp barunı häm İzrail belän diplomatik elemtäläre bulmağan ğäräp illäreneñ citäkçelärenä oçqıç belän kilü yulın açunı oyıştıru da kerä.
Arafat Parij yanındağı xärbi xastaxanädä haman da bik awır xäldä dielä.
