Rusiäneñ konstitusiä mäxkämäse Rusiä sostavına kerä torğan respublikalar milli tel älifbası tözeleşen üzgärtergä xaqlı tügel digän qarar çığarğan. Äle bu qararğa qädär berniçä yıl elek,Tatarstannıñ däwlät cıyılışı Tatarstanda latin älifbası kertü turında qarar qabul itkän ide. Bu xaqta federal` strukturalarda däğwä başlanğaç, Tatarstannıñ däwlät şurası älifba qabul itü kem xoquqında bulırğa tieş digän soraw belän konstitusiä mäxkämäsenä üze möräcäğät itkän bulğan. Şul möräcäğät belän ber ük waqıtta konstitutsiä mäxkämäsenä Tatarstan keşese Sergey Xapugin, minem balama mäktäptä köçläp tatar tele uqıtalar, anıñ başqa fännärne öyränergä waqıtı qalmıy digän sıltaw belän Tatarstanda däwlät tellärenä qarata qabul itelgän qanunğa däğwä belderep, üz çiratında konstitutsiä mäxkämäsenä möräcäğät itkän. Konstitusiä mäxkämäse bu ike däğwäne, Däwlät şurası häm Xapuğin däğwälären ber temağa kertep şul ike temanı da beryulı qarap, ike qarar çığarğan.
Bu qararlarğa añlatma birüen ütenep min Rusiä Federatsiäseneñ Konstitutsiä mäxkämäsendä bu ike mäsälä çişeleşendä dä qatnaşqan Tatarstannıñ däwlät şurası räise Färit Möxämmätşinğa möräcäğät ittem. Häm ul qararlarnıñ berençese mine söyenderde. Tatarstanda tatar telen rus telen öyrängän kebek öyrätü turındağı qanunnı bez döres qabul itkänbez dide Färit Möxämmätşin. Häm ul latin älifbası berniçä mäktäptä eksperiment bularaq öyrätelä. Läkin anı tulayım kertüne berniçä yılğa kiçekterep torırğa turı kiläçäk. Bez inde bu mäsälädä tağı zurraq, Yevropa mäxkämälärenä möräcäğät itüdän baş tartabız dide ul.
Şulay itep, mäktäplärdä latin älifbasın öyränü däresläre ürnäk bularaq däwam itsä dä. Latinnı qanunlaştıru berniçä yılğa kiçekterelä dip añlarğa bula. Bu xaqta matbuğatta da küp süzlär buldı, latinnı yaqlawçılar häm qarşı çığuçılar bar. Bu xaqta min mäskäw keşese Möxämmät Minaçevtan da üz fikeren soradım. Anıñ bu mäsälägä qaraşı üzençälekle, latinğa qaytunı ul tatarlarnıñ prinsip eşe bulırğa tieş dip qarıy. Stalin bezgä kirill älifbasın köçläp kertte. Köçkä qarşı torırğa kiräk dip sanıy Möxämmät Minaçev.
Näzifä Kärimova, Mäskäw
Bu qararlarğa añlatma birüen ütenep min Rusiä Federatsiäseneñ Konstitutsiä mäxkämäsendä bu ike mäsälä çişeleşendä dä qatnaşqan Tatarstannıñ däwlät şurası räise Färit Möxämmätşinğa möräcäğät ittem. Häm ul qararlarnıñ berençese mine söyenderde. Tatarstanda tatar telen rus telen öyrängän kebek öyrätü turındağı qanunnı bez döres qabul itkänbez dide Färit Möxämmätşin. Häm ul latin älifbası berniçä mäktäptä eksperiment bularaq öyrätelä. Läkin anı tulayım kertüne berniçä yılğa kiçekterep torırğa turı kiläçäk. Bez inde bu mäsälädä tağı zurraq, Yevropa mäxkämälärenä möräcäğät itüdän baş tartabız dide ul.
Şulay itep, mäktäplärdä latin älifbasın öyränü däresläre ürnäk bularaq däwam itsä dä. Latinnı qanunlaştıru berniçä yılğa kiçekterelä dip añlarğa bula. Bu xaqta matbuğatta da küp süzlär buldı, latinnı yaqlawçılar häm qarşı çığuçılar bar. Bu xaqta min mäskäw keşese Möxämmät Minaçevtan da üz fikeren soradım. Anıñ bu mäsälägä qaraşı üzençälekle, latinğa qaytunı ul tatarlarnıñ prinsip eşe bulırğa tieş dip qarıy. Stalin bezgä kirill älifbasın köçläp kertte. Köçkä qarşı torırğa kiräk dip sanıy Möxämmät Minaçev.
Näzifä Kärimova, Mäskäw
