Accessibility links

Кайнар хәбәр

İstanbulda törek radikalı mäxkämäse açıldı


İstanbul. Bügen biredä mäğlüm islamçı Metin Kaplan mäxkämäse başlandı, ul däwlätkä xiänät itüdä ğäyeplänä. Bıyıl üktäbrdä Germaniädän Törkiägä qaytarılğan Kaplannı törek xakimiate, xäzerge dönyawi törek däwläten qorğan Mostafa Kemal Atatörk torbäsenä oçqıç belän höcüm ityüne oyıştıruda ğäyepli. Kaplannıñ advokatları, ul bernindi dä köç qullanu ğämällärenä bäyle tügel dip belderä häm Kaplan mäxkämäseneñ ğadel şartlarda ütüenä şiklänep qarawın äytä. Germaniädä çaqta Kaplan üzen Koeln şähäreneñ xälife dip iğlan itkän ide. Anıñ tiräsendä tuplanğan törkem Törkiädäge dönyawi xakimiatne bärep töşerügä häm anda islam däwläten buldıruğa öndi. Germaniä şul törkemneñ eşçänlegen üzendä tıydı.
XS
SM
MD
LG