Ul republika xalqına häm cämäğätçelek oyışmalarına yullanğan. Älege dokumentnıñ tuuına Başqortstan däwlät cíılışında qabul itelgän republíkadağı administrativ-munitsipal büleneş çikläre turında qanun säbäpçe. Anda cirle xakimiät citäkçelären saylaw tärtibe dä qaralğan. Aña qarağanda, cirle üzidärä orğannarı strukturları mäsäläse turında rayon häm şähärlärdä xalıqtan imza cíular oyıştırılırğa tieş. Rayon häm şähärdä yäşäwçelärneñ 3%tınnan cíılğan imzalar qanun köçenä kergännän soñ ber ay eçendä republíknıñ saylaw komíssísına tapşırılırğa tieş. Bu ütälmäsä, xakimiät citäkçelären cirle deputatlarnıñ şähär yäki rayon şurası saylí. Älege qanun 28 dekäberdän köçenä kerüen, ozaqqa suzılğan bäyrämnärneñ imza cíuğa bulışlıq itmäwen iskä alğanda, bu xakimiät başlıqları urındağı şuralarda saylanaçaq digän süz. Monı cirle üzidärälärne üsterü fondı xalıqnıñ saylaw xoquqları bozılu dip bäyäläp, älege mäsälä buyınça referendum ütkärü öçen imza cíarğa çaqıra.
