Hind okeanında bulğan cir teträw häm tsunami näticäsendä hälak bulğannarnıñ sanı 125 meñgä citte. Yardäm oyışmaları farazlarına qarağanda bu san 150 meñgä citergä mömkin. Tabiğat qazası bulğan illärdä – İndoneziä, Tailand, Şri Lanka häm Hindstanda, 2 millionğa yaqın keşegä törle çirlär yoqtıru qurqınıçı yanıy, alarnıñ rizığı, eçär suı häm yäşär urını yuq. BM O, qaza bulğan töbäkkä ber milliard dollar aqça cıyıldı, dip belderde, anıñ zur öleşen AQŞ häm Yaponiä birgän.
