Accessibility links

Кайнар хәбәр

Respublika tatarları milli-mädäni möxtäriäte utırışı bulıp ütte


Kiñäytelgän ğäli mäcles utırışında cirle üzidärälärgä saylaw mäsäläse qaraldı.Xäbär itüyebezçä , 28nçe dekäbr cirle parlament “Başqortstan Respublikasındağı munitsipäl qorılışlarnıñ xaqimyät üzäkläre, çikläre häm statusı“ digän qanun qabul itkän ide.Älege qanun Rusiädä bıyıl köçenä kergän cirle üzidärälär turında qanun uñayınnan eşlände.Federäl qanun buyınça , cirle xaqimiät başlıqları bıyıldan başlap saylanıp quyılsa , Başqortstanda alarnı haman östän bilgeläw tärtiben däwam itmäkçelär.Respublikanıñ bu qanunına yaraşlı , urınnarda saylaw xoquğına iä xalıq saylaw tärtibe buyınça referendum ütkärergä imza cıyarğa tieş.Saylawçılardan 3% külämendä imza cıyılmasa , xaqimiät başlıqların respublik Prezidentı täqdime buyınça urınnardağı deputatlarnıñ şuraları saylayaçaq.İmza cıyu öçen birelän waqıt qanun köçenä kergännän soñ ber ay waqıt eçendä eşlänergä tieş.Qanun 28nçe dekäbrdä köçenä kergän ide.Birelgän waqıtnıñ 10 köne bäyrämnärgä turı kilä.Cämägätçelek respublik türäläre östän bilgeläwne däwam itü öçen caysız waqıtqa maxsuz quyğan digän fikerdä.Tatar milli-mädäni möxtäriäte moña qaramıy saylaw xoquqları öçen köräşergä cıyına.Älege utırışta töbäklärdä imza cıyarğa cawaplı keşelär bilgelände , cıyu tärtibe añlatıldı , maxsus blanklar taratıldı. Beryülı dürt bäysez gäzit dönya kürde.Alar “Oteçestvo“ , “Provinsiälnıyı vesti“ , “Za mestnoye samoupravlenie“ häm tatar milli-mädäni möxtäriäteneñ “Xalıq ixtıyarı“ gäzitläre. “Yäşlek“ gäzite aksiä iğlan itte. Ul “Esmäyek , tartmayıq , asılıbızğa qaytayıq“ dip atala.Älege aksiä bu yaman ğädätlärgä qarşı mäqälälär qonqursınnan ğıybarät.
XS
SM
MD
LG