Taşlamalarnı aqçağa äyländeru turındağı federal qanunan qänäğätsezlek dulqını bezgä de kilep citte. 15 ğinwarda Peterburg pensionerları Smolnıy yanına uram cıyınına çıqtılar. Annan rizasızlar demonstratsiäse Suvorov prospektı buylap Neva prospektına yüneldelär. Başta illeläp keşe bulğan bulsa, yulda kilep quşıluçılarnıñ sanı 2 meñnän artıp kitkän. Qarşılıq aksiäse yäkşämbe könne dä qabatlandı. Anda barlığı un meñ tiräse keşe qatnaştı. Neva prospektı tiräsendäge qänäğätsezlek çarası çağıştırmaça tınıç ütsä, Mäskäw prospektındağısı faciğa belen tämamlandı. Uram cıyını uzğan cirgä oçraqlı räweştä inomarka kilep elägä. Şaqtıy däräcädä yarsığan demonstrantlar maşinağa xöcüm itkäç, maşina xucası çığarğa mäcbür bula. Törkemneñ açuı, "tekä" bulmasa da, çit ilneke bulğan maşina xucasına küçä. Uzen qıynağan pensionerlardan yäş ir qaçıp ta qotıla alır ide, ämma maşinada xatını belän balası bulğaç, alarnı qotqaru oçen yañadan rülgä utıra. DTS xezmätkärläre yärdäme belen. Maşinanı qabızuğa pensionerlarnıñ berse kapotqa taşlana häm tägermäç astına elegep, şunda uq can birä. Pensionerlar üzläre genä bulsa, bälki faciğağa uq barıp citmäs ide, qotırtıp, qızdırıp toruçılır bulmasa. Oyıştıruçılar arasında mondıy eşlärneñ ostası - natsional- bolşeviklar şaqtıy bula, qullarındağı flagları, bäyläwlärenä qarağanda.
Äle pänceşämbe-comğa könnärendä genä eşlär bolayğa kiter dip uylawçı bik bulmağandır. Pänceşämbe könne gubernator Valentina Matvienko televidenieda çığış yasadı. Süz 122-nçe qanunnıñ ütäleşe turında bardı: daruhanälär darular belän tulısınça täemin itelgen, sanatoriylarğa küp kenä yullamalar birelgen häm biru däwam itä, blokadniklar oçen izge sanalğan 27 ğinwar häm 8-9 mayda böten tör transportta buşlay yörü, invalidlar oçen protez- ortopediä cihazlarına taşlama, invalidlar häm ikençe dönya suğışı veterannarı oçen 1100 sum, blokadniklarğa 650 sum kompensatsiä häm başqalar. Gubernator pensionerlar turında daimi qayğırtıp torırğa da süz birde. Valentina Matvienko uze dä, aña qädär şähär xakimiäteneñ transport komitetı räise Aleksandr Datsyuk ta ğinwar ayı betkänçe ber genä pensionernı da bilet alırğa mäcbür itüçe yäki quıp çığaruçı bulmayaçaq dip wäğdä itken ideler. Comğa könne Peterburgta Rusiä prezidentı Vladimir Putin Germaniä prezidentı Horst Köhler belen oçraştı. İke ilneñ prezidentları filarmoniäneñ zur zalında organ konsertı tıñladı, kiçen matbuğat oçraşuı uzdırdı. Ul könne dä xäwef-xätär sizelmi ide. Qayber sotsial yaqlaw büleklereneñ mäğlümät taqtalarına elengän uram cıyınına çaqıru qäğäzleren isepkä almağanda. Ä şimbe-yäkşämbe könnärendä şundıy kiñ külämle aksiä häm açıqtan-açıq yaña inqilabqa öndäw! Şuña da qaramastan, militsiä xezmetkerlere bu yulı ğäcäyep sabırlıq kürsättelär. Alarğa qulnı tersäktän yuğarı kütärmäskä digän kürsätmä birelgen bulğan iken.
Gubernator Valentina Matvienko veterannarnı tınıçlandırıp, provakatsiägä birelmeske öndäp, alarnı yärdämsez qaldırmasqa ışandırıp televidenieda çığış yasadı. Här pensioner oçen, kategoriäsenä, federalme-regionalme ikänenä qaramastan, bar tör transportta yörü mömkinçelege birä torğan 230 sumlıq kartoçka buldırunı wäğdä itte. Anı 25 ğinwardan soñ pasport belen pensiä kenegesen kürsätep teläsä nindi kassada satıp alıp bulaçaq dide. Sişämbedä Valentina Matvienko Smolnıyda uram cıyınınıñ koordinatsiä şurası äğzaları belen oçraştı. Qanunnar cıyılışınıñ çirattan tış utırışı da şuşı 122nçe qanunğa bağışlanaçaq. Leningrad ölkäse gubernatorı Valeriy Serdyukov ta rayonnar xakimiäte citekçelere belen şul uq temağa kinäşmä uzdıraçaq.
Gölzada Kamalova, Peterburg
Äle pänceşämbe-comğa könnärendä genä eşlär bolayğa kiter dip uylawçı bik bulmağandır. Pänceşämbe könne gubernator Valentina Matvienko televidenieda çığış yasadı. Süz 122-nçe qanunnıñ ütäleşe turında bardı: daruhanälär darular belän tulısınça täemin itelgen, sanatoriylarğa küp kenä yullamalar birelgen häm biru däwam itä, blokadniklar oçen izge sanalğan 27 ğinwar häm 8-9 mayda böten tör transportta buşlay yörü, invalidlar oçen protez- ortopediä cihazlarına taşlama, invalidlar häm ikençe dönya suğışı veterannarı oçen 1100 sum, blokadniklarğa 650 sum kompensatsiä häm başqalar. Gubernator pensionerlar turında daimi qayğırtıp torırğa da süz birde. Valentina Matvienko uze dä, aña qädär şähär xakimiäteneñ transport komitetı räise Aleksandr Datsyuk ta ğinwar ayı betkänçe ber genä pensionernı da bilet alırğa mäcbür itüçe yäki quıp çığaruçı bulmayaçaq dip wäğdä itken ideler. Comğa könne Peterburgta Rusiä prezidentı Vladimir Putin Germaniä prezidentı Horst Köhler belen oçraştı. İke ilneñ prezidentları filarmoniäneñ zur zalında organ konsertı tıñladı, kiçen matbuğat oçraşuı uzdırdı. Ul könne dä xäwef-xätär sizelmi ide. Qayber sotsial yaqlaw büleklereneñ mäğlümät taqtalarına elengän uram cıyınına çaqıru qäğäzleren isepkä almağanda. Ä şimbe-yäkşämbe könnärendä şundıy kiñ külämle aksiä häm açıqtan-açıq yaña inqilabqa öndäw! Şuña da qaramastan, militsiä xezmetkerlere bu yulı ğäcäyep sabırlıq kürsättelär. Alarğa qulnı tersäktän yuğarı kütärmäskä digän kürsätmä birelgen bulğan iken.
Gubernator Valentina Matvienko veterannarnı tınıçlandırıp, provakatsiägä birelmeske öndäp, alarnı yärdämsez qaldırmasqa ışandırıp televidenieda çığış yasadı. Här pensioner oçen, kategoriäsenä, federalme-regionalme ikänenä qaramastan, bar tör transportta yörü mömkinçelege birä torğan 230 sumlıq kartoçka buldırunı wäğdä itte. Anı 25 ğinwardan soñ pasport belen pensiä kenegesen kürsätep teläsä nindi kassada satıp alıp bulaçaq dide. Sişämbedä Valentina Matvienko Smolnıyda uram cıyınınıñ koordinatsiä şurası äğzaları belen oçraştı. Qanunnar cıyılışınıñ çirattan tış utırışı da şuşı 122nçe qanunğa bağışlanaçaq. Leningrad ölkäse gubernatorı Valeriy Serdyukov ta rayonnar xakimiäte citekçelere belen şul uq temağa kinäşmä uzdıraçaq.
Gölzada Kamalova, Peterburg
