Accessibility links

Кайнар хәбәр

Blagoveşçen xällärendä yaña faktlar


Başqortstan militsiä xezmätkärläre öçen dä yaña başlanğan Ätäç yılı bıltırğı maymıl yılınnan uq suzılğan cäncal belän kierenke däwam itä. Blağoweşçen şähärendä bıltır dekäbr urtasında militsiä wäkilläre qatnaşlığında bulğan şaw-şulı xällär turında bar Rusiä belä xäzer. Xoquq yaqlawçılar häm matbuğat çaraları Blağoweşçendağı xalıqtan soraşa- beleşä torğaç yañadan-yaña faqtlarnı açıqlıy.

Yañaraq Başqortstanda Mäskäwdän kiñ bilgele xoquq yaqlawçılar Lev Ponomarev belän Lyüdmila Alekseyewä bulıp kitkän ide. Alar Blğoweşçenda waqıtta andağı xällär belän yaqınnan tanıştı. Mäskäwgä äylänep qaytqaç, 20 ğinwar könne üzläreneñ Başqortstanğa säfäre yomğaqları buyınça täwge matbuğat oçraşuın oyıştırğan alar. Bu xaqta ilneñ qayber kiñ mäğlümat çaraları, şul isäptän elektron mäğlümat säxifäläre dä xäbär itä. Xoquq yaqlawçılar çığışlarınnan kürenüençä, Blağoweşçendağı xällärneñ kilep tuuında militsiä xezmätkärläre häm urındağı xaqimiätlär üzläre ğäiple. Şuşı uq fikerne älegä qädär Blağoweşçendağı militsiä bülegendä xezmät itkän Yevgeniy Çistyäqov isemle serjant ta quätli. Ul bu könnärdä Mäskäwgä barıp şulay uq matbuğat basmalarına äñgämälär birep yöri. Serjant Çistyäqovnıñ Blağoweşçendağı waqıyğalarğa turıdan-turı qatnaşı bar ikän. Älege cäncalğa etärgeç birgän 8 ğinwar kiçendä militsiä patrul' törkemendä ul da bulğan. Çistyäqov süzlärençä, Blağoweşçenda militsiä patrule wäkillären berkem dä qıynamağan. «Bezne berkem dä qıynamadı, – dip belderä. – militsiä serjantı. – Şuña da qaramastan, bezgä şähär militsiä bülege citäkçeläre, qaza kürgän, cäräxätlängän keşelärne sürätläw öçen, xastaxanägä kerep yatarğa kürsätmä birde. Rayon Üzäk xastaxanäse baş tabibına da bezne sırxawxanädä mömkin qädär ozağraq totarğa kürsätmä birelgän bulğan». Ägär bu süzlär çınlap ta döres bulsa, Blağoweşçendağı xällärne tikşerü bötenläy dä başqa borılış alırğa mömkin. Çistyäqov şuşı xällärdän soñ, rizasızlıq yözennän, militsiä xezmätennän kitäçägen belderep, ğärizä yazğan häm bar döreslekne cämägätçelekkä citkerergä qarar itkän. Başqortstan Eçke eşlär ministrlığı matbuğat süzçese Ruslan Şäräfetdinov isä serjant Çistyäqovnıñ belderülären üz ixtıyarınnan tış yalğanlaw dip isäpli. Anıñ süzlärençä, Çistyäqovnı kemnärder satıp alğan bulırğa mömkin. Şulay itep Blağoweşçen xälläre torğan sayın butalçığraq bula bara. Şul uq waqıtta, äle bar ilgä tanılğan bu şähärdä, Mäskäwdän häm Tübän Novğorodtan kilgän tikşerüçelär, adwoqatlar bäysez tikşerüen däwam itä, urındağı xalıqtan östämä mäğlümatlar cıya alar.
XS
SM
MD
LG