Nefteyuganski qalasınıñ “Läysän” xalıq cır ansamble başqaruında “Şäl bäylädem” cırın “Azatlıq” radiosın tıñlawçılar iñ berençe bulıp işettelär.
Läysänneñ Qazandağı “Aqsu” studiäsendä täwge älbomı çıqtı. Äle “Läysän” qızları disklarnı qullarına da alırğa ölgermägännärder. Çönki, “Aqsu” studiäseneñ generäl direktorı Röstäm Särwarov süzlärençä, meñneñ berse - berençese Tömändä qala. "Läysän" qızları bezne kiçererlär älbättä. Şuşı könnärdä Nefteyuganskiy qalasına 1000 disk tügel, barı tik 999 ı ğına barıp citäçäk.
23 ğınwar könne Tömändä “Qazan sälame” digän konsert buldı. Bu konsertnı “Aqsu” studiäse oyıştırdı. Yulğa çıqqanda alar tönyäk şähärlärne dä urıysı bulğanğa maşinalarına “Läysän” diskların da töyägän idelär. Nefteyuganskiyğa tuqtap disklarnı qaldırırğa isäplilär. Qazandağı “Aqsu” studiäseneñ generäl direktorı Röstäm Särwarov süzlärençä, Läysänneñ älbomı - unikal yazma.
-Unikal dip äytergä mömkin, rusçalap äytkändä, şundıy proyekt. “Läysän” xalıq cır ansamble, Vener Möxämmädiev zur eş başqardılar . Tatarstannıñ üzendä torıp ta şundıy zur eş eşlägän keşelär az dip äytergä mömkin. Ämma Räsäyneñ ällä qaysı poçmağında torıp ansambl''ne tözep, anı Qazanğa kiterep yazdıru, telewideniägä töşerü öçen zur batırlıq, ruxi häm materiäl köç kiräk. Vener Möxämmädiev bu eşne başqarıp çığa aldı. Aña monıñ öçen genä dä pamyätnik quyarğa mömkinder möğayın.
Diskların minem “Aqsu” studiäsendä yazdılar. Anda küp tawışqa quyılğan cırlar, xalıq cırları da bar, autor cırları da bar, Venernıñ üzeneñ cırları da bar. Alar bit bötenese dä cırçı tügel. Härberse qayadır eşli. Härberse üzeneñ eş urını bar digändäy. Üzeşçännär tırışlıq belän älbom çığarırğa ireştelär.
-Röstäm, mondıy täcribä bar ideme? -Döresen genä äytkändä üzeşçän kollektivlar betep bara. Qazannıñ üzendä dä siräk, rayonnarda ğına bar. Räsäydän kilep şundıy kollektiv yazdırıp kitü unikäl küreneş, äle berençe märtäbä dip uylıym.
“Läysän” xalıq cır ansambleneñ älbomına barlığı 16 cır kergän. 10 sına köyne Xantı-Mansi autonomiäle oqruhınıñ atqazanğan mädäniät xezmätkäre, kompozitor, törkemneñ bayançısı, sänğät citäkçese Wener Möxämmädiev yazğan. Ansambl''gä bügenge köndä barlığı 18 qız yöri. Alar barsı da: “Wener Möxämmädiev törkemebezneñ canı bit ul”,- dip äytä.
2003 yılda “Läysän” 25 yıllığın ütkärde. Berençe könennän başlap 20 yıl däwamında anıñ ayırılğısız citäkçese Zarya Giniätullina ide. Zarya xanım xäzer tuğan yağına qaytıp Quqmarada eşli. Anda da cır söygän qızlarnı ber törkemgä cıynap ansambl'' oyıştırdı.
Bügen “Läysän”neñ repertuarında 40 tan artıq cır bar. Läysän 2 märtäbä Başqortstannı urap qayttı. Monnan berniçä yıl elek Ğäliäskär Kamal isemendäge aqädemiä teatrı binasında qazanlılarnı da üzläreneñ icatları belän tanıştırdılar. 2004 yılnıñ cäyendäge Qazanğa säfärläreneñ maqsatı albomnarın çığaru ide. Nixäyät ul da tormışqa aştı. Alarnı Tömän ölkäseneñ könyağında da, neft-gaz tabuçılar yäşägän tönyaq şähärlärdä dä yaratalar.
Xalıq: “Läysänlelärneñ cırları bik tä näzäkätle, örfiädäy yomşaq häm canğa cılılıq börki torğan şäldäy şul”,- dip maqtıy.
Nail Alan, Tömän
Läysänneñ Qazandağı “Aqsu” studiäsendä täwge älbomı çıqtı. Äle “Läysän” qızları disklarnı qullarına da alırğa ölgermägännärder. Çönki, “Aqsu” studiäseneñ generäl direktorı Röstäm Särwarov süzlärençä, meñneñ berse - berençese Tömändä qala. "Läysän" qızları bezne kiçererlär älbättä. Şuşı könnärdä Nefteyuganskiy qalasına 1000 disk tügel, barı tik 999 ı ğına barıp citäçäk.
23 ğınwar könne Tömändä “Qazan sälame” digän konsert buldı. Bu konsertnı “Aqsu” studiäse oyıştırdı. Yulğa çıqqanda alar tönyäk şähärlärne dä urıysı bulğanğa maşinalarına “Läysän” diskların da töyägän idelär. Nefteyuganskiyğa tuqtap disklarnı qaldırırğa isäplilär. Qazandağı “Aqsu” studiäseneñ generäl direktorı Röstäm Särwarov süzlärençä, Läysänneñ älbomı - unikal yazma.
-Unikal dip äytergä mömkin, rusçalap äytkändä, şundıy proyekt. “Läysän” xalıq cır ansamble, Vener Möxämmädiev zur eş başqardılar . Tatarstannıñ üzendä torıp ta şundıy zur eş eşlägän keşelär az dip äytergä mömkin. Ämma Räsäyneñ ällä qaysı poçmağında torıp ansambl''ne tözep, anı Qazanğa kiterep yazdıru, telewideniägä töşerü öçen zur batırlıq, ruxi häm materiäl köç kiräk. Vener Möxämmädiev bu eşne başqarıp çığa aldı. Aña monıñ öçen genä dä pamyätnik quyarğa mömkinder möğayın.
Diskların minem “Aqsu” studiäsendä yazdılar. Anda küp tawışqa quyılğan cırlar, xalıq cırları da bar, autor cırları da bar, Venernıñ üzeneñ cırları da bar. Alar bit bötenese dä cırçı tügel. Härberse qayadır eşli. Härberse üzeneñ eş urını bar digändäy. Üzeşçännär tırışlıq belän älbom çığarırğa ireştelär.
-Röstäm, mondıy täcribä bar ideme? -Döresen genä äytkändä üzeşçän kollektivlar betep bara. Qazannıñ üzendä dä siräk, rayonnarda ğına bar. Räsäydän kilep şundıy kollektiv yazdırıp kitü unikäl küreneş, äle berençe märtäbä dip uylıym.
“Läysän” xalıq cır ansambleneñ älbomına barlığı 16 cır kergän. 10 sına köyne Xantı-Mansi autonomiäle oqruhınıñ atqazanğan mädäniät xezmätkäre, kompozitor, törkemneñ bayançısı, sänğät citäkçese Wener Möxämmädiev yazğan. Ansambl''gä bügenge köndä barlığı 18 qız yöri. Alar barsı da: “Wener Möxämmädiev törkemebezneñ canı bit ul”,- dip äytä.
2003 yılda “Läysän” 25 yıllığın ütkärde. Berençe könennän başlap 20 yıl däwamında anıñ ayırılğısız citäkçese Zarya Giniätullina ide. Zarya xanım xäzer tuğan yağına qaytıp Quqmarada eşli. Anda da cır söygän qızlarnı ber törkemgä cıynap ansambl'' oyıştırdı.
Bügen “Läysän”neñ repertuarında 40 tan artıq cır bar. Läysän 2 märtäbä Başqortstannı urap qayttı. Monnan berniçä yıl elek Ğäliäskär Kamal isemendäge aqädemiä teatrı binasında qazanlılarnı da üzläreneñ icatları belän tanıştırdılar. 2004 yılnıñ cäyendäge Qazanğa säfärläreneñ maqsatı albomnarın çığaru ide. Nixäyät ul da tormışqa aştı. Alarnı Tömän ölkäseneñ könyağında da, neft-gaz tabuçılar yäşägän tönyaq şähärlärdä dä yaratalar.
Xalıq: “Läysänlelärneñ cırları bik tä näzäkätle, örfiädäy yomşaq häm canğa cılılıq börki torğan şäldäy şul”,- dip maqtıy.
Nail Alan, Tömän
