Accessibility links

Кайнар хәбәр

Fälestin xakimiäte başlığı Mahmud Abbas Mäskäwdä


Fälestin xakimiäte prezidentı Mahmud Abbas Kremldä Rusiä prezidentı Vladimir Putin belän bulğan oçraşu waqıtında, İzrael belän tınıçlıq urnaştırırğa "tarixi" mömkinlek bar, dip belderde. Şulay uq Abbas älege eştä Rusiäneñ role zur, dide. Prezident Putin häm fälestin xakimiäte citäkçese Abbas imza quyğan belderüdä, İzrael-fälestin tınıçlıq söyläşülären mömkin qadär tizräk başlarğa kiräklege turında äytelgän. Putin üz çiratında, Abbasnıñ fälestin xalqınıñ yäşäw däräcäsen kütäräçägenä häm İzrael belän aralarnı yaxşırtaçağına ömet belderde. Tınıçlıq söyläşüläreneñ näticäse – İzrael belän kürşe bulğan bäysez Fälestin däwläte, dide Putin: "Tınıçlıq söyläşüläre kiñ külämdä ütergä tieş, häm alarnıñ näticäse – İzraelneñ tınıç häm imin kürşese bulaçaq Fälestin däwläten tözü," dide Putin. Başqa xäbärlärgä kilgändä, könyaq Gazada BMO mäktäbe yanında 10 yäşlek fälestin qızı atıp üterelgän. Bu xäbärne BMO da rasladı. Höcümgä cawap itep fälestin suğışçılarınıñ Hämäs oyışması könyaq Gazadağı yähüd awıllarına raketalar atqan.
XS
SM
MD
LG