Accessibility links

Кайнар хәбәр

Darular häm taşlamalar


Däwlät birgän taşlamalarnı aqçağa äyländerü reformasına ğämälgä kergänneñ berençe könnärennän xalıq qänäğätsezlek belderä başladı. Uramnarğa çıqtı. Şulay bulsa da bu könnärdä rizasızlıq turında xäbärlär işetelmi. Ä menä darularğa qarata taşlamalar niçek qaralğan. Bu xaqta da täfsilläp añlatuçılar yuq. Çönki şul uq aqça taşlamalarına darular da, däwalanu da kergän bit. Bu xälne añlatuın sorap häm üzem dä añlarğa teläp, min Federal'' Sälämätlek häm sotsial'' üseş tarmağın tikşerü oyışması citäkçese Ramil Xäbrievqa möräcäğät ittem.

Ramil Xabriev belderüençä, bügenge köndä taşlamağa moxtac bulğan 14 million keşegä maxsus sannar berketelep, kartoçkalar birelergä tieş ikän. Häm inde ul kartoçkalarda här keşeneñ qayçan , nindi, küpme bäyägä daru alğanı da kürsäteläçäk. Ä inde bügenge köndä daru, sälämätlekne yaxşırtu programması straxovaniegä nigezlängän. Ramil Xabriev fikerençä bu küp törle uñaylıqlar tudıraçaq. Şul uq waqıtta bu programma belän riza bulmawçılar kilä yıl başında bu programmadan çığarğa da mömkinnän häm taşlamaların aqçalata ala alaçaqlar.Xäzergä taşlama buyınça bireläçäk 1800 darunıñ iseme dä bäyäse dä açıqlanğan. Ul darular inde daruxanälärgä citkerelgän. Läkin xökümät ul darular öçen äle ber tien dä aqça birgäne yuq, barı tik xäzer genä tüli başlayaçaqbız alarğa, -dide Ramil Xäbriev.

Näzifä Kärimova, Mäskäw.

XS
SM
MD
LG