25 fevräl könne Ufada Başqortstandağı bäysez partiälär häm ictimağıy xäräkätlär, milli oyışmalarnıñ qoordinatsiä şurası üzeneñ çirattağı utırışın ütkärde. Anda Başqortstan Tatar cämägätçelek oyışmaları berlege wäkilläre dä qatnaştı. Kiñäşmädä 26 fevräl, şimbä könne respublikta häm şul isäptän Ufada da ütäçäk qarşılıq çaralarına äzerlek mäsäläse söyläşüneñ üzägendä buldı. Mitinglar bu yulı da, taşlamalarnı aqçalata tüläwlärgä rizasızlıq belderü maqsatında, häm mart ayında urındağı üzidärä xaqında referendumğa mönäsäbät belderü niäte belän oyıştırıla. Uram cıyınnarın oyıştıruçılar bu könne Ufada ğına da 10 meñnän kübräk keşe cıyarğa niätli. Uram cıyınnarı tağın berniçä ere şähärdä ütäçäk dip belderelde bu oçraşuda.
Ufadağı cıyınnarğa xalıq ike urınğa – başqala meriäse binası qarşındağı Lenin mäydanına häm telewidenie üzäge yanındağı mäydanğa cıyılaçaq. Şuşı urınnarda tuplanıp, zur bulmağan mitinglar ütkärgännän soñ, qarşılıq çaralarında qatnaşuçılar kümäkläp, respublik Xökümäte binası yanına barırğa niätli. Anda alar üzläreneñ elekke mitinglarında da alıp çıqqan plaqatların, transparantların kütärep baraçaq. Başqortstan citäkçelegenä, atap äytkändä, Mortaza Räximovqa qarşı yünälderelgän taläplär yañğırayaçağı da äytelde kiñäşmädä.
Mitinglarda qatnaşuçılar respublikta urınnardağı üzidärä orğannarına citäkçelär saylaw buyınça referendum mäsäläsendä dä xaqimiätlärgä üz taläplären citkerergä cıyına. Mäğlüm ki, Başqortstan citäkçeläre kiläçäktä dä cirle xaqimiätlär başlıqların saylap tügel, ä täğayınläp quyunı yaqlıy. Oppozitsiä isä monı demoqratiädän çitläşü dip, xaqimnärne xalıq saylap quyarğa tieş dip taläp itä. Utırışta çığış yasawçılar 26 fevräldä ütäçäk çaralarnı oyışqan töstä, härtörle prowoqatsiälärgä bireşmiçä, bik täesirle uzdıru öçen üz täqdimnären dä äytte. Älege qatlawlı şartlarda oyışqanlıqnı, uyawlıqnı saqlarğa çaqırıldı. Här partiädän, ictimağıy xäräkätlär häm milli oyışmalardan üz tarafdarların cıyınğa tuplaw häm tärtip buldıru öçen cawaplı keşelär bilgelände. Qarşılıq çarasında qabul iteläçäk qararlar häm möräcägätlärneñ ölgelären dä äzerläp quydı älege utırışta qatnaşuçılar. Başqortstan Tatar cämägätçelek oyışmaları berlege räise urınbasarı, professor Mäcit Xucin şimbä könne ütäçäk aqsiälärneñ nindi dä bulsa fätwası bulaçağına ışana. «Xaqimiätlär meñnärçä keşeneñ taläplären iğtibarsız qaldırsa, bu çınlap ta alarnıñ xalıqtan ayırılğan buluın añlataçaq», – di Mäcit äfände.
Ufadağı cıyınnarğa xalıq ike urınğa – başqala meriäse binası qarşındağı Lenin mäydanına häm telewidenie üzäge yanındağı mäydanğa cıyılaçaq. Şuşı urınnarda tuplanıp, zur bulmağan mitinglar ütkärgännän soñ, qarşılıq çaralarında qatnaşuçılar kümäkläp, respublik Xökümäte binası yanına barırğa niätli. Anda alar üzläreneñ elekke mitinglarında da alıp çıqqan plaqatların, transparantların kütärep baraçaq. Başqortstan citäkçelegenä, atap äytkändä, Mortaza Räximovqa qarşı yünälderelgän taläplär yañğırayaçağı da äytelde kiñäşmädä.
Mitinglarda qatnaşuçılar respublikta urınnardağı üzidärä orğannarına citäkçelär saylaw buyınça referendum mäsäläsendä dä xaqimiätlärgä üz taläplären citkerergä cıyına. Mäğlüm ki, Başqortstan citäkçeläre kiläçäktä dä cirle xaqimiätlär başlıqların saylap tügel, ä täğayınläp quyunı yaqlıy. Oppozitsiä isä monı demoqratiädän çitläşü dip, xaqimnärne xalıq saylap quyarğa tieş dip taläp itä. Utırışta çığış yasawçılar 26 fevräldä ütäçäk çaralarnı oyışqan töstä, härtörle prowoqatsiälärgä bireşmiçä, bik täesirle uzdıru öçen üz täqdimnären dä äytte. Älege qatlawlı şartlarda oyışqanlıqnı, uyawlıqnı saqlarğa çaqırıldı. Här partiädän, ictimağıy xäräkätlär häm milli oyışmalardan üz tarafdarların cıyınğa tuplaw häm tärtip buldıru öçen cawaplı keşelär bilgelände. Qarşılıq çarasında qabul iteläçäk qararlar häm möräcägätlärneñ ölgelären dä äzerläp quydı älege utırışta qatnaşuçılar. Başqortstan Tatar cämägätçelek oyışmaları berlege räise urınbasarı, professor Mäcit Xucin şimbä könne ütäçäk aqsiälärneñ nindi dä bulsa fätwası bulaçağına ışana. «Xaqimiätlär meñnärçä keşeneñ taläplären iğtibarsız qaldırsa, bu çınlap ta alarnıñ xalıqtan ayırılğan buluın añlataçaq», – di Mäcit äfände.
