Accessibility links

Ufada Yevraziäçelek xaqında konferensiä ütte


Comğa könne Ufada «Yevraziäçelek häm milli ideyä» dip atalğan fänni konferensiä bulıp ütte. Başqortstan Fännär aqädemiäse, Bötendönya başqort qorıltayı häm Ufa awiatsiä-texnik uniwersitetı oyıştırğan bu kiñäşmägä Qazannan, Mäskäwdän, Yekterinburgtan, Samara,Çiläbe, Irımbur ölkälärennän ğälimnär kilgän.

Bötendönya Başqortları qorıltayı Başqarma qomitetı räise Äxmät Söläymanov yıvraziäçelek mäsälälärenä bağışlanğan mondıy cıyınnarnıñ Başqortstanda soñğı waqıtta yıl da uzdırıluı xaqında äytep, bu mäsäläneñ bik möhim buluın assızıqlıy. «Rusiädä yıvraziäçelek ideyäse xaqında iğlan itelügä 80 yıl ütte inde, – di Äxmät äfände. – Soñğı yıllarda ildä törle üzgäreşlär buldı, Sowetlar berlege dä tarqaldı. Şuña da yıvraziäçelek mäsäläse xäzer fänni yaqtan nıqlı tikşerelergä tieş. Bu cähättän milli ideyä, milli respubliklar üzençälege nıqlı isäpkä alınuı zarur».

Fänni konferensiä plenar utırış belän başlanıp kitkän ide. Annan soñ Başqortstan ğälimnäre dä, törle töbäklärdän kilgän qunaqlar da üz eşen seksiälärgä bülenep däwam itte.
XS
SM
MD
LG