Accessibility links

Кайнар хәбәр

"Qıynalğan şähär" waqiğaların tikşerü näticäläre iğlan itelde


3nçe martta Mäskäwneñ bäysez matbuğat üzäge ,“Qinalğan şähär” waqiğaların tikşerü näticäläre” digän temağa xoquq yaqlawçılar häm jurnalistlar qatnaşında matbuğat oçraşuı ütkärde. Bu oçraşuda bäysez tikşerü komissiäse Başqortstannıñ Blagoveşçenski şähärendä bulıp uzğan militsiä başbaştaqlığı näticäsendä kilep çıqqan waqiğalarnıñ soñğı näticäläre belän tanıştırdı. Bu oçraşuda Mäskäwneñ xoquq yaqlawçı Xelsinki törkeme räise Lyudmila Alekseyeva, “Keşe xoquqları öçen” dip atalğan ğomum rusiä ictimaği xäräkäte başqarma direktorı Lev Ponamarev şuşı uq oyışmanıñ Başqortstan bülege citäkçese İldar İsanğulov, “Novaya gazeta” dip atalğan gazeta jurnalistı, xoquq yaqlawçı, Marat Xayrullin, şulay uq Rusiä prezidentı qarşında “Keşe xoquqları” komissiäse wäkile Vladimir Lukin citäkçelegendäge komissiädän Vyaçeslav Seleverstov qatnaştı.

Matbuğat oçraşuında jurnalistlarğa Blagoveşenski şähärendä bulğan waqiğalar xaqında täfsille mäğlümat tuplanğan yazma taratıldı. Bu yazmada Blagoveşçenskida militsiä qulınnan qaza kürgännärneñ ğarizaları da, Başqortstan eçke eşlär ministrı Rafayıl Divayevnıñ Blagoveşenski şähärendä bulaçaq militsiä çistarularına etärgeç birgän färmanı da, şul uq waqıtta bu waqiğalarğa xoquq yaqlawçılar bäyä birgän mäqälälär dä kertelgän. Xelsinki törkeme oyışması citäkçese Lyudmila Alekseyeva, bez, mondıy çistartular Başqortstanda ğına tügel, Rusiäneñ başqa şähärlärendä dä bulıp tora dip farazlıybız. Şunıñ öçen Rusiäneñ 89 töbägenä dä andıy xällär sezdä bulmadımı digän soraw belän üzebezneñ tikşerülärne ütkärä başladıq dide. Başqortstandağı xällär turında 9nçı martta Däwlät Dumasında da söyläşülär ütäçäk ikän. Xoquq yaqlawçılar. Anda Rusiäneñ eçke eşlär ministrı Raşit Nurgaliev ta çaqırılğan bulırğa tieş dip sanıy. Xäzer inde Blagoveşçenski şähärendä alıp barılğan tikşerülär näticäsendä räsmi räweştä 123 keşe militsiä tarafınnan qaza kürgän dip bilgelängän. Häm Rusiä prokuraturası tarafınnan yünältelgän tikşerü törkeme dä 7 keşedän 15kä qädär arttırılğan. Läkin xoquq yaqlawçı İldar İsanğulov, Rusiäneñ tışqı eşlär ministrlığınıñ bu cähättän totqan pozitsiäse añlaşılmıy, alar militsiäneñ yözen saqlap qalırğa tırışa dip sanıy.

Blagoveşçenski şähärendäge waqiğalarnı tikşerü komissiäse äğzäse jurnalist Marat Xayrullin qaza kürgännärgä tikşerü qararın qullarına tapşıru bik aqrın bara, bez ber atna buyı açlıq iğlan itep utırğanda ul qararlarnı birä başlağannar ide, bez açlıqnı tuqtatqaç, alar da tikşerü näticälären kürsätkän, militsiädän qaza kürgän dip yazılğan qararlarnı birü tuqtattılar dip belderde. Marat Xayrullin xakimiätneñ yuğarı basqıçındağılar Blagoveşenski waqiğasın üz faydalarında qullanırğa tırışalar dip sanıy. Häm ul, 15nçe martta böten Rusiä buylap politsiä başbaştaqlığına qarşı köräş digän isem astında mitinglar ütkärergä planlaştırabız dip belderde. Ä menä Rusiä Federatsiäseneñ keşe xoquqları buyınça wäkil Vladimir Lukin oyışmasınıñ bülek mödire, Vyaçeslav Seleverstov keşe xoquqın bozuğa militsiä tarafınnan qinalu ğına tügel, qanunsız räweştä fotoräsemgä töşerü, barmaq äzlären alu da kerä dip belderde.

Matbuğat oçraşuı waqıtında, xoquq yaqlawçılar, militsiä başbaştaqlığına qarata töp cawapçı Rusiä prezidentı. Ul Konstitutsiä garantı ğına tügel, 1998nçe yıldağı färman nigezendä, Eçke eşlär ministrlığı başqarğan eşlär öçen dä cawaplı dip belderdelär.

Näzifä Kärimova Azatlıq radiosı, Mäskäw.

XS
SM
MD
LG