Accessibility links

Кайнар хәбәр

Aslan Masxadovnıñ mäyete tuğannarına cirläw öçen tapşırılmayaçaq


Rusiä räsmiläre, çeçen suğışçılarınıñ yulbaşçısı Aslan Masxadovnıñ mäyete cirläw öçen tuğannarına birelmiäçäk, dip belderde. General prokuror urınbasarı Nikolai Şepel, Rusiä qanunı, üterelgän terrorçılarnıñ mäyetlären tuğannarına tapşırunı tıya, dide. Mäskäw kiçä Çeçnyadağı Tolstoi-Yurt awılındağı maxsus xärbi çara waqıqıtında Maxsadovnıñ üterelgänen xäbär itkän ide. Yevropa Komissiäse, Çeçnyada nizaqnı çişergä, keşe xoquqların bozunı tuqtatırğa çaqırdı. Komissiäneñ matbuğat wäkile Amadeu Altafaj Tardio, Masxadovnıñ üleme – töbäktä haman da totrıqsızlıq xökem sörgänen iskä töşerde, dide: "Masxadovnıñ nindi şartlarda üterelgäne turında bez belmibez. Komissiä Tönyaq Kavkazdağı xällärne iğtibar belän küzätep bara. Älegä, anıñ üleme töbäktäge iminlekkä niçek tä'sir itäçäge bilgele tügel, andağı iminlekneñ bulmawı borçılu tudıra," dide Yevropa Komissiäse wäkile. Yevropa Berlege Tönyaq Kavkazda keşelärneñ yuğaluı, totıq itep alınuı häm keşe xoquqları bozıluına borçılu belderä.
XS
SM
MD
LG