İran parlamentı yökle xatın-qız tormışına qurqınıç yanağan xäldä bala töşerüne röxsät itü turında qanun ölgesen xupladı. Bala yä ana awıru bulğan oçraqta abortqa xatın-qız üze häm balanıñ atası riza bulırğa, yöge 3 aydan artmasqa tieş.
İrannıñ böten qanunnarın küzätep baruçı Saqçılar Şurası äle bu qararnı küzdän kiçerergä, İslam qanunnarı häm İran konstitusiäsenä qarşı kilmäwen tikşerergä tieş.
Älege qanun şulay uq barı tik kiäywdäge xatın-qızlarğa qarıy. Kiyäwgä çıqmıy irlär belän mönäsäbätlär qoru İranda tıyılğan.
Qanun röxsätsez abortlar yasawnı tuqtatu häm balağa uzğan xatın-qızlar arasında ülüçelär sanın kimetü öçen eşlängän.
Röxsätsez bala töşergän häm aña yardäm itkän tabip 10 yılğa qadär törmä cäzasına xökem itelä ala.
