Finländiädä Rus-fin cämğiäteneñ Qazannıñ meñ yıllığna bağışlap Tatarstan häm Qırımnnan çaqırtıqan cır biyü törkemnäreneñ Finländiädäge gastrole turında söylärgä däwam itäbez, Aldan xabär itkänebezçä bu eşlär Däniz Bädretdin citäkçelegendä bara. 20nçe apreldä Xelsinkidä tatarstan mädäniät ministrı wazıyfasın başqaruçı İldus Tarxanov çığışı belän konsertlar seriäse başlanıp kitte. Şuluq könne Xelsinkidä Rif Yakupovnıñ Qazan turındağı foto-räsem kürgäzmäse açıldı. Bügenge tapşıruıbızda sezgä Tatarstan Filarmoniäseneñ Folklor ansamble belän citäklägän A.Fäyzraxmanov häm qırım tatarlarnıñ tanılğan yoldızı Änwär İzmagilov belän ängämä işettererbez.
(audio)A.Fäyzraxmanov belän ängämä
Xörmätle tıñlawçılar başta Ä.İzmagilov turında ber ike süz. Qırım tatarlarnıñ çit illärdä dä tanılğan bu yoldızı 80-nçe yıllarda Sovetlar Berlegeneñ in tanılğan rock-jazz törkeme Satonın gitaristı ide İzmagilov qırım tatarlarnıñ traditsion muzıykasına üzbäk, Hindistan häm balkan motivların östi. Änwär 95 yılda Ukrainada yılnıñ muzıkantı saylana , şuluq yılnı ul Şwitsariädä Lozanda ütkän xalıqara gitarçılar yarışında berençe bülekkä layıq bula . Qırım tatarlarınıñ muzıykasın bayıtqan xalıqara ilçese Änwär İzmagilov belän ängämäne min törek telendä alıp barğanlıqtan , anı qısqartıp tatarça söyläp biräm.(audio)
Änwär äfände bu märtäbä Helsinkigä Germaniäneñ Frankfurt şährennän kilde. Ul anda yılsayın bula torğan Dönyanıñ in zur muzıyka qoralları häm texnikası yärminkäsendä bulğan. Konsert ta birgän. Min Änwär äfändeneñ Xelsinkigä ikençe kilüe dip belä idem, mägär ul 1991nçe yıldan birle Xelsinkidä in kimendä 25 märtäbä bulğan. Añlaşıla keşeneñ şäxräte bulğaç çaqırıla . Xelsinki konsertı niçek ütte digän sorawıma ul xalıq bezne bik cılı qabul itte , uñış dip bäyäläp bula dide. Min aña Fin gazetalarında konsertlar turında mätbuğatta yazmalar bulır, fin sänğät belgeçläre niçek bäyälär belerbez didem. Änvär İzmagilov Aydar Fäyzraxmanov belän Finländiäneñ törle şähärlärendä biräçäk konsertlarında xalıq muzıykasına berençel urın biräçägen belderde. Ul 15yıl elek finnärneñ tatar, qırım tatar muzıykasına qolaq ta elmägännären bu muzıykağa salqın qarağanın ämma D.Bädretdinkä räxmät , ul tatar cır, muzıykasına yasağan aranjirovkaları belän bezneñ muzıykağa iqtibarnı arttırdı. Xäzer sezdä jazz da avangartta bar ikän dip şaqqata di fin tıñlawçısı. Ämma bu konsertnıñ mäqsatı tatar törki muzıykasın tanıttıru bulğanlıqtan konsertlarda berençe urında xalıq muzıykası toraçaq dip äytte Änwär İzmagilov
färidä xämit
