Ğiraq iminlek köçläre bügen Bağdadqa iltüçe barlıq yullarnı yabıp ğisyançılarnı ezläw operatsiäsenä kereştä. Anda barlığı 40 meñ keşe qatnaşa. Saqlanu ministrlığı räsmie Reuters xäbär agentlığına bu operatsiä terrorçılıq infrastrukturasın cimerü öçen oyıştırıldı digän. Ğiraq neft' ministrlığı yanında ber intixarçı maşinada bomba şartlatqan. Ğiraq politsiäse xezmätkäre Ğädel Xäsän şartlaw turında bolarnı söyläde. 2909
Yaqınça öçençe yartılarda Neft' ministrlığına höcüm itüçe intixarçı bombalı maşinasın şartlattı. Ul Neft' ministrlığına höcüm itü öçen qarşı yulğa çıqtı. Höcüm näticäsendä ministrlıqnıñ ike saqçısı ülde, ike xezmätkäre häm tağın 2 sivil' keşe yaralandı. Şartlaw näticäsendä maşinağa ut qaptı, şartlatuçınıñ mäyete ministrlıqnıñ qoyması aşa ikençe yaqqa oçtı dide Xäsän.
Bügen şulay uq Ğiraqnıñ könyağında ber britan soldatı häm Bağdadtan tönyaq-könbatışta ber AQŞ xärbie üterelde.
Ğiraq iminlek köçläre bügen başqa ike şartlaw näticäsendä kimendä 5 ğiraqlı ülde, berniçä keşe yaralandı dip belderde.
