Accessibility links

Кайнар хәбәр

Barosso problemalarnı çişergä çaqıra


Yevropa Komissiäse prezidentı Jose Manuel Barroso, Berlek citäkçelärenä möräcäğät itep, büdjet mäsäläsen çişügä üz öleşlären kertergä soradı: "Min Yevropa Berlegeneñ barlıq däwlät başlıqların büdjet mäsäläsen çişügä qatnaşuın ütenäm. Xäzer – milli karta uynaw waqıtı tügel. Bu – älbättä, milli mänfäğätlärne yaqlaw waqıtı, ämma Yevropa qısalarında," dide Barroso. İrtägä Brüsseldä Yevropa Berlege cıyını açıla. İrtägä qaralaçaq mäsälärneñ berse – Yevropa Berlegene- 2007dän – 2013nçe yılğa qadär büdjetı. Anıñ tiräsendä Fransiä belän Britaniä arasında qarşılıqlar bar. Şulay uq Barroso süzlärenä qarağanda, ägär dä Yevropa Berlege konstitusiä mäsäläsen xäl itä almasa, Berlek tirän krizisqa keräçäk. Yevropa Berlegeneñ yaña konstitusiäseneñ Fransiä häm Hollandiädä kire qağıluın belgeçlär, Törkiäneñ äğzalığı ixtimalı belän bäyli. Ämma Barroso, "kileşü – kileşü bulıp qala", Tärkiä, häm tağın qayber illärgä yasalğan täqdimdän baş tartu bulmayaçaq, dip belderde.
XS
SM
MD
LG