Accessibility links

Кайнар хәбәр

“Rässäm” kürgäzmäse


7 iyüldä Mäskäwneñ “Zamoskvareç'ye” galeriäsendä tatar başqort rässämnäreneñ “Rässäm” oyışması Qazannıñ 1000 yıllığına bağışlap,üzläreneñ yubiley kürgäzmäsen oyıştırdı. Şuşı könnärdä “Rässäm” oyışmasına da biş yıl tuldı. Şuşı biş yıl eçendä alar Mäskäwdä genä tügel, Mäskäw ölkäsendä, Tatarstanda da küp törle kürgäzmälär oyıştırdılar. Şuña küräder Tatarstannıñ wäkälätle wäkillege dä bu kürgäzmägä bitaraf qalmağan. Berniçä rässämgä kürgäzmä açılır aldınnan Tatarstannıñ wäkälätle wäkillege maqtaw gramotaları häm räxmät xatları tapşırdı. Alar arasında tatar millätendä tanılğan familiälär –Apanaev, Yauşev familiäläre yañğıradı. Kürgäzmädä Şamil Apanayıvnıñ da, Röstäm Yäuşevnıñ da eşläre quyılğan ide. Ğomümän, Mäskäwdä nindi genä zur çara bulmasın, “Rässäm” oyışması çittä qalmıy. Kürgäzmä açılışı waqıtında çığış yasawçılar Mäskäwdä icat itüçe tatar başqort rässämnäreneñ eşendä milli çalımnar, tanılğan millättäşlärebezneñ surätläre barlıqqa kilüne söyenep qabul itkännären belderdelär. Tatar başqort rässämnären oyıştırğan bu oyışma xaqında Äxmät Galimov söyläde(audio). Rässämnär oyışması citäkçese Eduard Şağievnıñ atqa atlanğan ike prezident Mintimer şäymiev häm Vladimir Putin räsemnäre tamaşaçılarnı cälep itte. Bu räsem Mäskäw Saban tuyında, “Rässäm” oyışması kürgäzmäsendä quyılğan ide. Anda saban tuyğa kilüçelär ike prezident yanına basıp fotoräsemnärgä dä töşkän idelär. Min Eduard Şageevtan bu yarım şayartu belän yazılğan räsemne nindi uylar belän yazdığız dip soradım. Edard Şageev rässämnärne fälsäfäçe dip tä, şayarta belü ostalığına iä bulğan keşe dip tä atadı (audio). İnde kürgäzmä xaqında Möxämmät Minaçev ta üz fikeren äytte. (audio).Şulay itep Mäskäwdä rässämnärneñ yubiley kürgäzmäse açıldı. Ul «Zamoskvareç'ye» galeriäsendä ütä häm tağı ber ay däwam itäçäk.

Näzifä Kärimova, “Azatlıq” radiosı, Mäskäw

XS
SM
MD
LG