Düşämbe kis Öfönöñ Dim biźtähendä Ärmän häm üźäk uramdar kiźeleşendä qoral tultırılğan yäşnik tabılğan. Ğäźttän tış xäldär idaralığınan xäbär itewźärensä, unda ike şartlatqıs, dürt petarda, xlorpikrinlı şaşqa, 75 gramlıq 3 trotil şaşqahı bulğan. Ularźıñ berehenä ülterew kösön kübäytew maqsatında qaźaqtar halınğan. Bınan tış, şunda uq tağı la ös şartlatqıs tabılğan. Ber şartlatqıstıñ fitilenä şırpılar urap quyılğan bulğan. Makarov pistoletına 6, Kalaşnikov automatına 4 bäläkäy qälibrlı mıltıqqa 2 patron da tabılğan. Qotqarıusılar yäşniktä dürt elektrodetonator Taren tigän ximik preparat ta tapqan. Qoraldıñ kemdeke ikänen äle tärtip haqlaw orğandarı asıqlay.
