Accessibility links

Кайнар хәбәр

Ukraina ministrları isemnäre iğlan itelde


Ukraina prezidentı Viktor Yuçenko bügen xökümät wäkilläreneñ isemnären iğlan itä başladı. Prezidentnıñ internettağı säxifäsenä qarağanda, Yuşenko Vyaçeslav Kirilenko häm Roman Besmertny'nı vise-premyerlar itep bilgelägän. Karpat buyı töbägeneñ elekke gubernatorı Viktor Baloga ğädättän tış xällär ministrı itep bilgelängän. Energetika ministrı urınında İvan Plaçkov, tışqı eşlärdä – Boris Tarasük häm tağın ber niçä ministr üz wazifalarında qalğan. Uzğan atnada ikençe tawış birüdä premyer-ministr itep Yuri Yexanurov bilgelängän ide.

Ukraina eşquarı Rinat Äxmätov Ukraina eçke eşlär ministrlığı wäkile sorawlarına cawap birde. Ministrlıqnıñ matbuğat bülege xäbär itüençä, sişämbe könne Äxmätov Ukraina eçke eşlär ministrı wazifaların waqıtlıça başqaruçı Yuri Lutsenko belän oçraşqan häm birelgän sorawlarğa tulı cawap birgän.
XS
SM
MD
LG