Accessibility links

Кайнар хәбәр

“Tatar buğazında” Ğäyet namazı


Tatar buğazı, Tın Okean yarlarında yäşäuçe möselmannarğa da qayıt köne şatlıq hem söyeneçler genä alıp kilde. Bilgele, Kamçatka, Saxalin hem Magadan ölkäläre, Primor'ye, Xabarovski kraylarında älegä qädär ber genä mäçet te tözelmägen. Şuna da karamastan, bu töbäklärdä yäşäuçe möselmannar dini yolalarnı, ğöref- gadätlärne saqlap qalırğa tırışa. Mäçetler urınına Yıraq Konçığış şähärlärendä ğıbädät qılu yortları açıla. 3 nçe noyäber konne Petropavlovsk - Kamçatski, Magadan, Vladivostok şähärlärendä gibädät qılu yortları beyrem namazına kilgän moselmannar belen tulı ide. Petropavlovskidan Razife Xabirova Uraza beyremeneñ niçek ütüe turında soyli

audio

Amurdağı Komsomol'ski möselmannarı da Uraza beyrämenä barısı bergä, Kirov isemen yörtkän uramda urnaşqan gibädät qılu yortında jıyıldı. İnde ikençe yıl rättän İzge Ramazan ayı däwamında Komsomol'ski möselmannar uzägendä iftar aşları oyıştırıldı. Mejlislärne din qärdäşlärebez çiratlap uzläre äzerläde. Kön sayın qoyaş batqaç bergäläp awız açu, aştan soñ tärräwix namazın uqu – törle millät wäkillären berläşterde. İnde Uraza bäyräme jitkeç, din totuçılar irtänge namazğa gibädät qılu yortına aşıqtı. Penjeşämbe kön Komsomol'ski şähäre möselmannar uzägendä 500 ge yaqın keşe jıyıldı. İrtänge namazdan soñ mäxällänen yäş imam-xatibı Röstem Musaev wäğaz uqıdı. Ul Yäşlek şähäre möselmannarın Ramazan ayı tämamlanu hem Uraza beyräme belen täbrik itte, yalğızlarğa, awıru-sırxawlarğa, qartlarğa iğtibar hem qayğırtuçanlıq kürsätergä çaqırdı. Şulay uq, şähärdä mäçet saluda quldan kilgänçä yärdäm itune ütende. Wäğaz'den soñ din qärdäşlärebez Qor än uquların yotlığıp tınladı. Ğayıt namazı tämamlanğaç, möselmannar uzägeneñ in zur bulmälärendä bäyrem tabını äzerlände. Şul arada xatın-qızlar bülmäsendä jıyılğan apalar belen söyläştem audio

Sez Amurdağı Komsomol'ski tatarların tınladığız. Bäyräm eş konene turı kilu säbäple, dini üzäktä kübräk ölkän yäştäge millättäşlärebez cıyılğan. Menä şulay, kemder beyremgä kilüenä şatlansa, ikençelär tatarlar betep bara dip zarlanıp ta ala. Komsomol'ski dini oyışma jitäkçese Röstem Abdullin ütken tönne quz dä yommadım, bertuqtawsız telefon çıltırap tordı. Mäskäw, Qazan, Yıraq Şärek töbäklärendä yäşäuçe duslar, tanışlar qotlaw sälämnären yulladı dip söyläde. Möselmannar uzägendä ütkän Uraza bäyremenä bıyıl şehär xakimiäte wäkilläre, başqa qunaqlar çaqırılğan ide, monda berençe qat jirle gazet häm televidenie jurnalistları eşläde.

Xabarovski krae uzägendä ise gibädät qılu yortı yuq, barı monnan 3 yıl elek tözelä başlanğan mäçet kenä bar. Şulay da Xabarovski tatarları yuğalıp qalmıy, bäyräm namazına alar ayırım ber oydä jıyıla. Beryulı 40 keşene uz oyınä çaqırıp, barlıq şartların kiterep Uraza bärämen uzdıruçı xanım Naile apa bula.

Saxa – Yäkutiyä respublikası -Yıraq Könçığışnın berdänber mäçetle töbäge. Yakutski şähärendä altın aylı mäçet - «Yaqtaş» dip atalğan tatar - başqort jämğıyäte wekillere tırışlığı belen tözelüe turinda. jemğıyät äğzase Rima Xujamova citkerde . Ğomumän, Yıraq Şäreqtä yäşäuçe tatar-başqort xalqı barı tik milli hem dini bäyrämnärgä genä bergä jıyıla. Yıl sayın kötep alınğan izge Ramazan ayı tämamlanğan kön şundıylardan. Bu bäyräm mäşäqätlärendä qatnaşu alarnı ruxi yaqtan bayıta kebek.

İRaTacieva Amurdağı Komsomolskiy.

XS
SM
MD
LG