Bu könnärdä Sverdlovski ölkäse mäğärif üsteru institutında tatar tele häm ädäbiäte uqıtuçıları öçen çirattağı seminar bara. İnstitut programması buyınça 2005нче yılda oyıştırılğan mondıy seminarlarnıñ bu inde altınçısı, bu yılğa soñğısı.
İnstitut metodistı Zäytünä Şäymöxämmätova äytüençä, 2003нче yılda uzdırılğan tatar tele uqıtuçıları bäygese näticäläre uqıtuçılarnıñ belemen daimi räweştä kamilläşterep torırğa kiräklegen kürsätkän ide. Bu eştä Tatarstan respublikası belän Sverdlovski ölkäse arasındağı Kileşü yärdämgä kilde. Bu Kileşü nigezendä Tatarstan respublikası mäğärif üseşe institutı Uralda yäşäwçe hönärdäşlärenä yärdäm qulı suzdı. Uqıtuçılarnıñ belemen arttıru buyınça maxsus kurslar, daimi seminarlar oyıştırıla başladı.
Zäytünä Nurovna Ural uqıtuçılarınıñ belemen arttıru öçen Tatarstannan tirän belemle, olı ğalimnär kilep toruına söyenüen belderde. Bu yulı da seminarnı Tatarstan mäğärif üsterü institutınıñ tatar tele häm ädäbiäte kafedrası dotsentı, pedagogiä fännäre kandidatı, bik küp däresleklär avtorı Zakirä Nurievna Xäbibullina alıp bardı. Rossiäneñ bik küp töbäklärendä bulıp qaytqan ğalim, Sverdlovski ölkäse uqıtuçılarınıñ belem däräcäsen yuğarı bäyäläde. Anıñ fikerençä, biredäge uqıtuçılar şaqtıy xäzerlekle, tınğısız, ezlänüçän buluları belän ayırılıp toralar.
Bügenge seminarnıñ teması “Tatar tele häm ädäbiäten uqıtuda innovatsion texnologiälär” dip atala. Zaqirä Nurievna fikerençä, balalarğa belem birüne zaman şartlarına yaraqlaştırıp kamilläşterü öçen matdi nigez citep betmi. Tatar tele uqıtuçısı däreslek häm aqbur yärdämendä däres alıp bara. Qul astında komp'yuter da, başqa zamança qullanmalar da yuk.
Qızğanıç ki, Sverdlovski ölkäse awılları mäktäplärendä uqıtuçılar, zamança texnologiä qullanu tügel, qayber metodik äsbaplar tabuğa da tilmerep utıralar. Östämä belem birü qısalarında üzläre programma tözergä mäcbür bulğannarı da bar. Ölkä mäğärif üsterü institutı metodistı Zäytünä Nurovna Şäymöxämmätova bu yunäleştä zur eş alıp bara. Küptän tügel ul üze “Ana tele uqıtuçılarınıñ icadi eşçänlegen oyıştıru” dip atalğan metodik äsbap çığardı. Tarixi watannan çittä üsüçe balalarnı tuğan telgä öyrätü üzençäleklären iskä alıp eşlängän bu kitapta Sverdlovski ölkäse tatar awılları mäktäplärendä eşläwçe tatar uqıtuçılarınıñ däres alıp barudağı törle täcribäläre tuplanğan.
Ğomumän, Zäytünä xanımnıñ milli mäğärifne üsterü buyınça un yılğa yaqın alıp barğan eşe inde uñay näticälär birä başladı. Mäğärif ministrlığı häm institut citäkçeläre soñğı yıldağı eş näticälärenä qarap, ana tele uqıtu buyınça waqıtlıça fänni-tikşerenü kollektivı bilgelägän. Bu kollektiv öçen täcribä mäydanı da bilgelängän – ul Yuğarı Pışma şähäreneñ berençe urta mäktäbe qarşında eşläp kilgän tatar yäkşämbe mäktäbe. Zäytünä Şäymöxämmätova äytüençä, ozaqlamıy östämä belem birü qısalarında üz programmasın häm metodik äsbaplar çığarıp bastıru mömkinçelege tabılaçaq. 2006нчы yıl axırında älege fänni tikşerenülär näticäläre maxsus oyıştırılaçaq fänni-ğamäli konferensiädä iğlan iteler dip kötelä.
Fäwiä Safiullina, Yekaterinburg
Zäytünä Nurovna Ural uqıtuçılarınıñ belemen arttıru öçen Tatarstannan tirän belemle, olı ğalimnär kilep toruına söyenüen belderde. Bu yulı da seminarnı Tatarstan mäğärif üsterü institutınıñ tatar tele häm ädäbiäte kafedrası dotsentı, pedagogiä fännäre kandidatı, bik küp däresleklär avtorı Zakirä Nurievna Xäbibullina alıp bardı. Rossiäneñ bik küp töbäklärendä bulıp qaytqan ğalim, Sverdlovski ölkäse uqıtuçılarınıñ belem däräcäsen yuğarı bäyäläde. Anıñ fikerençä, biredäge uqıtuçılar şaqtıy xäzerlekle, tınğısız, ezlänüçän buluları belän ayırılıp toralar.
Bügenge seminarnıñ teması “Tatar tele häm ädäbiäten uqıtuda innovatsion texnologiälär” dip atala. Zaqirä Nurievna fikerençä, balalarğa belem birüne zaman şartlarına yaraqlaştırıp kamilläşterü öçen matdi nigez citep betmi. Tatar tele uqıtuçısı däreslek häm aqbur yärdämendä däres alıp bara. Qul astında komp'yuter da, başqa zamança qullanmalar da yuk.
Qızğanıç ki, Sverdlovski ölkäse awılları mäktäplärendä uqıtuçılar, zamança texnologiä qullanu tügel, qayber metodik äsbaplar tabuğa da tilmerep utıralar. Östämä belem birü qısalarında üzläre programma tözergä mäcbür bulğannarı da bar. Ölkä mäğärif üsterü institutı metodistı Zäytünä Nurovna Şäymöxämmätova bu yunäleştä zur eş alıp bara. Küptän tügel ul üze “Ana tele uqıtuçılarınıñ icadi eşçänlegen oyıştıru” dip atalğan metodik äsbap çığardı. Tarixi watannan çittä üsüçe balalarnı tuğan telgä öyrätü üzençäleklären iskä alıp eşlängän bu kitapta Sverdlovski ölkäse tatar awılları mäktäplärendä eşläwçe tatar uqıtuçılarınıñ däres alıp barudağı törle täcribäläre tuplanğan.
Ğomumän, Zäytünä xanımnıñ milli mäğärifne üsterü buyınça un yılğa yaqın alıp barğan eşe inde uñay näticälär birä başladı. Mäğärif ministrlığı häm institut citäkçeläre soñğı yıldağı eş näticälärenä qarap, ana tele uqıtu buyınça waqıtlıça fänni-tikşerenü kollektivı bilgelägän. Bu kollektiv öçen täcribä mäydanı da bilgelängän – ul Yuğarı Pışma şähäreneñ berençe urta mäktäbe qarşında eşläp kilgän tatar yäkşämbe mäktäbe. Zäytünä Şäymöxämmätova äytüençä, ozaqlamıy östämä belem birü qısalarında üz programmasın häm metodik äsbaplar çığarıp bastıru mömkinçelege tabılaçaq. 2006нчы yıl axırında älege fänni tikşerenülär näticäläre maxsus oyıştırılaçaq fänni-ğamäli konferensiädä iğlan iteler dip kötelä.
Fäwiä Safiullina, Yekaterinburg
