Accessibility links

Кайнар хәбәр

Semberdä uqıtu praktikası tikşerelde


Ulyan däwlät pedagogiä universitetında ütkän konferensiädä milli gruppalar talibäläre dä çığış yasadılar. Bıyıl da, çığarılış kursında belem aluçı 13 student ölkäbezneñ törle mäktäplärendä tatar tele ädäbiäte uqıtuçıları bularaq sınap qaradılar. Çığışlarında yäş möğallimälär mäktäptä uqu-uqıtu problemaları häm ölkädä tatar tele-ädäbiätın uqıtunıñ kiläçäge turında fiker yörttelär. Studentlarnıñ çığışlarında kütärelgän töp problema – mäktäplärdä tatar sıynıflarınıñ yabılu qurqınıçı.

Ğomumän alğanda, barlıq diärlek praktikantlarğa mäktäptä tatar balaları belän eşläw oşağan. Alar tatar sıynıflarında uquçılarnıñ tärtiple, tärbiäle buluları belän ayırılıp toruların äyttelär. Ämma mäktäptä eşkä qalu turında süz quzğatqaç, gruppanıñ yartısı diärlek balalar belän eşlärgä baraçaqlarına şik belderdelär häm barı tik uqıtuçılarnıñ xezmät xaqı artsa ğına şuşı hönär wäkile bulaçaqların äyttelär.

Çulpan Firğaliewa, Sember

XS
SM
MD
LG