BMO general' sekretare Kofi Annan Dönyanıñ uzğan ayda Paqstanda bulğan köçle cir teträwgä cawabı kiräkle däräcädän küpkä azraq buldı dip belderde.
Bügen Paqstannıñ zilzilädän zıyan kürgän töbägen qarağannan Annan töbäkne tözekländerü bik nıq zur eş bulaçaq dide. Häm bu qazanı bez yardäm itärgä tieşle iñ zur humanitar tragediälärneñ berse dip atadı.
Annan zilzilä kiçergännärgä kübräk xalıqara yardäm kürsätergä çaqırdı.
Annan bıltır tsunamidan soñ 10 kön eçendä zarur aqçalarnıñ 80 protsentı kilep citte, bu yulı isä zilzilädän soñ 10 kön eçendä zarur bulğan aqçanıñ 12 protsentı ğına cıyıldı dide.
Annan äytüençä, xäzer zarur aqçalarnıñ 30 protsentı cıyılğan.
Paqstan prezidentı Pärwäz Möşärräf tözekländerü häm qotqaru eşlärenä 5 milliard dollardan artıq aqça soradı.
