İslamabad. Uzğan ayda köçle cir teträw kiçergän Pakstanğa xalıqara yardäm wäğdäse tağın 3 milliard dollarğa arttı - zilzilä näticälärennän arınu eşlärendä Pakstan xäzer 5.4 milliard dollarğa ömetlänä ala. Yaña wäğdälär şimbä könne İslamabadta uzğan häm 50 däwlät wäkile qatnaşqan cıyında yasaldı. Anda Berläşkän Millätlärneñ general' sekretare Kofi Annan da qatnaştı häm tösekländerü tırışlıqları kümäkläşep bulışunı taläp itä dip belderde. Dönya Bankı häm Aziäneñ Täräqqiat bankı bergäläşep Pakstanğa 2 milliard dollarlıq yardäm kürsätäçäk. Quşma Ştatlar häm İslam täräqqiat bankı zilzilädän arınu eşlärenä yartışar milliard dollar wäğdä itte.
