Accessibility links

Кайнар хәбәр

Rusiädä qoş kizüe kimügä bara


Mäskäw - Rusiäneñ Sälämätlek saqlaw ministrlığı Rusiädä qoş kizüeneñ kimügä baruın belderde. Belderüdä äytelgänçä, xäzergä virus ilneñ ike töbägendä terkälgän – Kurgan häm Ästerxan ölkäsendä. Noyäberneñ 1ndä räsmilär qoş kizüe Rusiäneñ 10 cirendä tabılğan digän ide.

Ul arada Rusiäneñ tirä-yün moxit saqlawçıları Amur yılğası buylap ağıp kilgän ağulı matdälär tirä-yün moxitkä zur zıyan kiterä ala dip kisätä. 13 Noyäberdä Qıtaynıñ ximiä şirkätendä bulğan şartlaw näticäsendä berniçä tonna benzol Amurğa qoyğan Songua yılğasına eläkte. World Wild Life waqıfınıñ Yıraq Könçığıştağı bülek başlığı Yuri Darman süzlärençä, bu pıçranu näticäsendä Amur yılğasına ekologik qaza yanıy. Xäzer räsmilär, Xabarovski şähärendä ğädättän-tış xäl buldırmas öçen bar çaralar kürelde dip belderä. Elegräk alar bu pıçranu Amur buyındağı 70läp awıl-şähärgä zıyan kiterä ala digän ide.
XS
SM
MD
LG