Comğa könne Ufadağı Neft''çelär mädäniät sarayında respublika xalıq icatı festivaleneñ yomğaqlaw öleşe ütä. Bu festival'' şuşı yıl başınnan uq barlıq rayonnarda häm şähärlärdä ütkärelde. Sänğät bäygelärendä rus, tatar, başqort, çuaş, mari, udmurt, mordva, ukrain xalıqlarınıñ fol''klor sänğät kollektivları, üzeşçän cırçılar, biüçelär, muzıkantlar, cämğısı 2,5 meñ keşe qatnaştı. Talant iäläre jyuriğa häm tamaşaçılarğa üz millätläreneñ xalıq cırların, därtle iyüllären, üzençälekle köylären täqdim itkän. Älege festival''dä respublikanıñ tatar rayonnarındağı sänğät törkemnäreneñ häm ayırım başqaruçılarnıñ ayıruça küp qatnaşqanlığı xaqında äytelde. Xalıq isemen alğan cır häm bayu ansambl''läre şuşı bäygeneñ yomğaqlaw öleşendä tağın üzläreneñ yuğarı däräcäsen raslaw mömkinlegen ala. Comğa kiçen Neft''çelär mädäniät sarayında ütüçe Ğala-konsertta barlığı 1 meñnän artıq keşe qatnaşa. Alarnıñ baytağına istälekle büläklär dä äzerlängän.
