Uzğan atnada uzğan parlament saylawlarınıñ berençe näticälärenä qarağanda, Bağdadta şiğilarnıñ Berläşkän Ğiraq İttifağı 58% tawış belän alda bara. Bağdad saylawçıları tawış birüdä iñ äwzem qatnaşqan. Ğiraq saylaw komissiäse mäğlümatlärenä qarağanda İttifaq öçen 1 million 404 meñ tawış birelgän. Sönnilärneñ Milli Kileşü Frontın 452 meñ keşe saylağan, elekke premyer-ministr Ayad Allawinıñ Ğiraq Milli İsemlege firqase öçen 327 meñ keşe tawış birgän. Bu näticälär – Bağdadta tawışlarnıñ 90%tı sanalğaç bilgele buldı.
