Tähran. Nobel tınıçlıq büläge iäse iranlı Şirin İbadineñ Keşe xoquqların yaqlawçılar üzäge bıyıl İranda küpsanlı keşe xoquqların bozu oçraqların faş itkän xisabın bäyän itte. Anda bigräk tä törle aktivistlarnı häm xäbärçelärne qulğa alular, alarğa ozın mötdätle törmä cäzaları çığaru telgä alına. Ebadi üzäge İrandağı islam xakimiaten şulay uq, İnternettağı säyäsi wä xatın-qız xoquqların yaqlağan säxifälärne tıyuda ğäyepli. İranda keşe xoquqların bozunı ay başında Yewropa Berlege dä kisken tänqitläp çıqqan ide.
