Швеция Русия белән хәрби очрашулардан баш тарта

Мәскәүнең Грузиягә гаскәр кертүе сәбәпле Швеция Русия белән планлаштырылган хәрби очрашулардан баш тарта.

Швеция белән Русия киләсе айга ике илнең хәрбиләре һәм югары даирә рәсмиләре арасында дистәдән артык очрашу планлаштырган иде.

Узган атнада Кушма Штатлар да Русиянең Грузиядәге гамәлләренә ризасызлык белдереп Русия белән хәрби диңгез күнегүләреннән баш тартты.