Рөстәм Миңнеханов Башкортстанның яңа президентын тәбрикләде

Татарстанның яңа президенты Рөстәм Миңнеханов Башкортстанга президент итеп яңа билгеләнгән Рөстәм Хәмитовка котлау хаты җибәрде.

Хәмитовка Башкортстанның киләчәге, аның күпмиллләтле халкы ышанып тапшырылган, бу катлаулы эштә уңышлар телим, дигән Миңнеханов котлау хатында.

Миңнеханов яңа президент Рөстәм Хәмитов белән бергә Татарстан һәм Башкорстан халкының дустанә тарихи мөнәсәбәтләрен ныгыр, яңа төсмер өстәлер дип ышана.