Либия Мисырдан Каддафи режимының элекке түрәләрен үзенә бирүне сорый

Мисыр хакимиятләре Либия хөкүмәтенең элекке җитәкче Мөәмәр Каддафи режимы вакытында эшләгән түрәләрне үзләренә бирү үтенечен тикшерә. Бу хакта Мисырның тышкы эшләр министрлыгы белдерде.

Мисырның баш прокуроры Триполидан килгән исемлектә булган Либиянең элекке түрәләрен илдән чыгуны тыю турында йөкләмә бирде. Никадәр кеше турында сүз барганы әлегә билгеле түгел.