Accessibility links

пәнҗешәмбе, 8 декабрь 2016, Казан вакыты 15:03

Путин мәрхүм Вәлиулла Ягъкубны “Батырлык ордены” белән бүләкләде


Русия президенты Владимир Путин Казанда атып үтерелгән Татарстан диния нәзарәтенең уку-укыту бүлеге башлыгы Вәлиулла Ягъкубны “Батырлык ордены” белән бүләкләү турындагы фәрманга кул куйды.

Вәлиулла Ягъкуб үз өе янында 19 июльдә атып үтерелде. Аңа һәм мөфти Илдус Фәизгә һөҗүм тикшерелә.

Рәсмиләр җиде кешенең кулга алынуы турында хәбәр итә.

Сак астына алынучылар арасында Биектау районының элекке имамы Айрат Шакиров, «Шифа» ширкәте җитәкчесе Мурат Галиев, диния нәзарәтенең көч структуралары белән хезмәттәшлек итү бүлеге башлыгы Марат Кудакаев, Казанда яшәгән Үзбәкстан ватандашы Абдунозим Атабоев, «Идел-Хаҗ» ширкәте башлыгы Рөстәм Гатауллин, Лаеш районыннан Рөстәм Кашапов һәм Ютазыдан Алексей Верезумский бар.

Хокук яклаучылар бу һөҗүмнәрне тикшерү белән бәйле кимендә 500 кеше тоткарланды, дип белдерде.

29 июльдә Казанда мөселманнарны кулга алуга каршы пикет узды. Пикетта катнашучыларның төп таләбе – мөселманнарны кулга алу, тентү, эзәрлекләүне туктату. Тоткарланган мөселманнарны якларга мөселман булмаганнар да килде. Президент Миңнеханов исеменә юлланачак хатка халыктан имза җыелды.

XS
SM
MD
LG