Russiä çik saqçıları başlığı General Konstantin Totsky Quşma Ştatlarnıñ häm anıñ berektäşläreneñ Äfğänstanda äfyün citeşterüne kimetügä ireşä almawına borçılu belderde.

Talibanğa häm Äl-Qaidä çeltärenä qarşı koalitsiä Äfğänstanda narkotiklar citeşterügä qarşı da köräşer dip kötelgän ide. Düşämbe belän Mäskäw arasındağı kileşü nigezendä Taciq-Äfğän çigen Russiä xärbiläre saqlıy. Russiägä häm Yewropağa Äfğänstannan kiterelüçe narkotiklarnıñ kübese näq menä çikneñ şuşı öleşe aşa ütä. Bıltır Äfğänstanda 3 meñläp tonna äfyün citeşterelgän dip isäplänelä.