Accessibility links

якшәмбе, 4 декабрь 2016, Казан вакыты 21:35

Möxämmät Äl-Baradei İrannıñ atom stansiälären tikşerä


Xalıqara atom energiä agentlığı başlığı Möxämmät Äl-Baradei, bügen, İrannıñ Natanz şähärenä kilep anda tözelgän atom stansiäsendä tikşerülär ütkärde. Şuşı ay başında İran räsmiläre, anda, yağulıq öçen kiräk bulğan, uran citeşterä başlawalrı turında beldergän ide. Quşma Ştatlar, İrannıñ atom şirkätlärendä qoral yasalırğa mömkin, dip kisätä. Tährannan 250 çaqırım yıraqlıqta urnaşqan şirkättä bulıp qaytqanan soñ, Äl-Baradei ber belderü dä yasamadı. Anıñ törkeme tağın Arak şähärendä urnaşqan şirkätkä barırğa cıyına. Quşma Ştatlar, Büşärdäge reaktornı tözüdä yärdäm itkän Rusiägä, tänqit bedlerep kilde. Rusiä - bu yärdäm nigezendä qoral citeşterü ixtimalın kire qağa. Bügen Rusiäneñ atom energiä ministrı Aleksandr Rumäntsev, Rusiä İranğa barı tik “röxsät itelgän texnologiä” birä, dip belderde. İran räsmiläre, atom qoral buldıru niäten, şulay uq, kire qağa, häm üzeneñ atom programmasın, fäqät, tınıç maqsatlar öçen, dip belderä.

XS
SM
MD
LG