Accessibility links

пәнҗешәмбе, 8 декабрь 2016, Казан вакыты 21:20

Ğiraqnıñ Fallujah şähärendä bulğan höcümnärdä kimendä 21 keşe hälak buldı


Ğiraqnıñ şuşı şähärendä bügen qorallanğan ğısyançılar Ğiraq Sivil Saqlanu Köçläreneñ başfatirı häm politsiä binasına höcüm yasadı, kimendä 21 keşe hälak bulğan, 30ğa yaqını yaralanğan dip xäbär itelä. Fallujah xastaxanäse başlığı Abdul Jabbar Al-Hadithi süzlärenä qarağanda: klinikağa 7 keşeneñ mäyete häm 33 yaralanğan keşe kiterelde. Cärähätlärdän – keşelärneñ ut açu häm şartlawlardan yaralanğan buluın kürep bula ide, dide tabip.

Politsiä binasına atılıp kergän ğısyançılar yullarında qul granataları şartlata barğan häm andağı totqınnarnı azat itkän. Sivil Saqlanu Köçläre başfatirında ike kön elek amerikan generalı John Abizaid bulıp kitkän ide. Mäğlüm bulğança, ul utırğan maşinağa da höcüm yasalğan ide.

Falluca şähäre Bağdadtan 50 çaqrım yıraqlıqta "sönni öçpoçmaqta" urnaşqan. Soñğı aralarda monda koalitsiä köçläre iñ zur yuğaltular kiçerä.

XS
SM
MD
LG