Xalıqara xäbär agentlıqları Üzbäkstan räsmiläreneñ bügen Üzbäkstan eçke eşlär ministrlığı maxsus köçläre Taşkent yanında qorallı törkemgä höcüm itep kimendä 16 suğışçını üterde digän belderüen tapşırdı.
Atışlarda maxsus köçlärneñ 3 xezmätkäre dä hälak bulğan.
Kiçä Üzbäkstanda bulğan şartlawlarda 19 keşeneñ hälak buluı turında äytelde. Xäbärlärgä qarağanda, kiçäge 2 bombanı intixarçı xatın qızlar şartlatqan, öçençe şartlaw yäşeren bombalar yasaw urınında oçraqlı räweştä bulğan.
Militsiä belän suğışçan köçlär arasındağı bärelşlär yäkşämbe kiçendä Boxarada başlanıp kitte häm kiçä Taşkentqa da küçte. Bu höcümnär öçen cawaplılıqnı älegä ber törkem dä üz östenä almadı.
