İzrailneñ Tel Aviv mäxkämäse fälästinnärneñ kürenekle cämägät eşleklese Marvan Barğutinı izraillelärneñ 28 keşese hälaq bulğan terror höcümnärenä qatnaşı bar dip belderä. Fälästin parlamentı deputatı häm Yordan yılğasınıñ Könbatış yarındağı “Fätx” oyışması citäkçese Barğuti ike yıl elek qulğa alınğan ide. Mäxkämä Barğutinı “Fätx” aktivistları bulğan terrorçılarnı finansılawda ğäyepläde. Häm terror ğämäle öçen cawaplılıq turıdan turı anıñ östendä dip belderde. Ğäyepläwçelär Barğutinı biş tapqır ğömerlekkä iregennän mäxrüm itüne tälap itä.
