Rusiä häm Fransiäneñ saqlanu häm tışqı eşlär ministrları bügen Mäskäwdä oçraşıp global iminlek turında fiker alıştı. Rusiä tışqı eşlär ministrı Sergei Lavrov, İminlek Mäs'älälärendä Xezmättäşlek öçen tözelgän Rusiä-Fransiä şurası utırışınnan soñ, süz kübräk İrannıñ atom programması häm Korea yarım utrawı turında bardı, dide. Şulay uq Ğiraq, Yaqın Könçığış, Kosovo häm Äfğanstan, terrorğa qarşı köräş mäs'äläsendä Rusiä-NATO xezmättäşlegen arttıru turında da söyläşengän. Oçraşuda Lavrovtan başqa Rusiä saqlanu ministrı Sergei İvanov, Fransiäneñ tışqı eşlär ministrı Michel Barnier häm saqlanu ministrı Michele Alliot-Marie qatnaştı.
