Accessibility links

җомга, 9 декабрь 2016, Казан вакыты 05:05

Gruziä premyer-ministrı Zurab Jvania Tbilisida is tiep ağulanıp ülgän


Gruziä premyer-ministrı Zurab Jvania mäyeten tikşergän tabiplar, ülemneñ säbäben – gaz belän ağulanu, yağni is tiyü, dip atadı. Tikşerüçe Levan Çaçua süzlärenä qarağanda, Jvania mäyetendä cärähätlär yuq: "Tikşerü däwam itä. Ämma şuşı waqıtqa bilgele bulğança, Jvanianıñ, öske irnendäge keçkenä genä yaradan başqa cärähätlär yuq. Eçtä dä cärähätlär yuq. Tikşerülärdän soñ, Jvanianıñ karbon-menoxid belän ağulanğan buluın äytä alabız," dide Çaçua. Zurab Jvania häm anıñ iptäşe könçığıştağı ber töbäkneñ gubernator urınbasarı Raul Yusupov, bügen irtän Tbilisidağı fatirda üle kileş tabıldı. Xökümättän bäysez oyışma Jvanianıñ ülemenä bäysez tikşerü taläp itte. Xökümätneñ ğadättäntış utırışında prezident Mixail Saakaşvili – Jvanianıñ üleme –şäxsän üze häm il öçen zur yuğaltu, dide. Prezident – xökümät başlığı wazifaların älegä üz östenä aldı.

XS
SM
MD
LG