Viktor Yuşçenko ildä xosusıylaştıru eşlären yañadan qaraw yaña premyer ministr äytkän qädär ük kiñkülämle bulmayaçaq dide.
Bügen France Press agentlığına interviewda Yuşçenko barı berniçä distä şirkät kenä tikşereläçäk dip äytte.
Çärşämbe könne premyer ministr Yulia Timoşenko elekke prezident Leonid Kuçma çorında ğädelsez tözelgän dip isäplänelüçe 3 meñläp xosusıylaştıru eşe yañadan qaralaçaq digän ide.
Aña qädär ber kön aldan ğına Yuşçenko barı tik 30-40-lap kileşüneñ tikşereläçäge turında äytte.
Kiçä Kiev mäxkamäse ildäge iñ zur qorıç zavodı Krıvorijstal'nı xosusıylaştıru eşendä qanun bozılğan digän qarar çığardı. Krıvorijstal'nı uzğan iyün ayında Kuçmanıñ kiyäwe Viktor Pinçuk ta kergän ber törkem satıp alğan ide.
