Accessibility links

шимбә, 3 декабрь 2016, Казан вакыты 05:29

Pol'şa Yewropa Berlege cıyınınıñ uñışsızlığı öçen bay däwlätlärneñ "egoizm"ın ğäyepli


Warşaw. Pol'şa premyer-ministrı Marek Belka fikerençä, Yewropa Berlege citäkçeläreneñ kiläçäk büdjet nigezläre turında kileşä almawına berlektäge bay illärneñ "egoizm"ı ğäyeple. Brüsseldä uzğan ike könlek cıyında şuşı mäs'älädä kileşügä ireşü maqsatında, Berlektän alaçaq subsidiälären kimetergä äzer torğan 10 yaña äğzanı näq menä Pol'şa citäklägän ide. Yewropa Berlegendä räislek itkän Luxembourgnıñ premyer-ministrı Jean-Claude Juncker üzeneñ, olıraq häm bayraq äğza illär öçen "oyaluın" äytte. Ul "bersennän-berse fäqirräk yaña äğza illärneñ ber-ber artlı, kileşügä ireşü xaqına üz öleşlärennän waz kiçärgä äzer buluın berldergändä min oyalıp utırdım" dide. Germaniä häm Fransiä Brüssel oçraşuınıñ uñışsızlığı öçen cawaplılıqnı Britaniägä yökläde. Ul isä, üz östenleklärennän waz kiçü xisabına Berlekneñ awıl xucalığı ölkäsendäge subsidiälären kisüne taläp itte.

XS
SM
MD
LG