May ayında Ändicandağı waqiğälärdän birle xoquq oyışmaları Almatovnı xalıqnıñ baş kütärüen köç belän bastıruda ğäyepläp kilgän ide. Ğäskärlär ul çaqta keşelärgä ut açtı. Üzbäk räsmiläre süzlärenä qarağanda, fetnädä barlığı 187 keşe, alarnıñ kübese suğışçılar häm xärbilär, häläk bulğan. Xalıqara keşe xoquqları oyışmaları, häläk bulğan berniçä yöz keşeneñ küpçelege – tınıç xalıq ide, dip belderä. Almatov äle genä Germaniädä däwalana dip xäbär itelgän ide. Ändican qorbannarı häm alarnıñ ğailäläre Almatovqa qarşı ğäyepläwlär äzerlägän arada anıñ Germaniädän kitkäne bilgele buldı. Xäzer anıñ qayda bulğanı bilgesez. Almatovnı Üzbäkstan eçke eşlär ministrı urınında Anvar Salihbayev almaştırdı. Alarnıñ ikesenä dä Yevropa Berlegenä kerü tıyılğan. Azatlıq radiosı xäbärçese älege mäğlümatlär döresme dip sorar öçen Üzbäkstan prezidentınıñ matbuğat xezmätenä şaltratqan, ämma ber nindi dä cawap ala almağan.
