Accessibility links

сишәмбе, 6 декабрь 2016, Казан вакыты 22:50

Putin Ukraina belän gaz bäxäse çın krizisqa äwerelde di


Rusiä prezidentı Vladimir Putin Ukraina belän Rusiä arasındağı tabiği gaz bäyäse turındağı bäxäs çın krizisqa äwerelde dide. Putinnıñ Mäskäwdä kiläse yılğa gaz bäyäse turında söyläşülär ütkärüçe taraflarğa qarata belderüen İnterfax agentlığı tapşıra. Putin şulay uq artuçı gaz bäyäse öçen tülärgä Ukrainağa burıçqa 3.6 milliard dollar tädim itte. "Bez turıdan turı sezneñ Naftogaz Ukrainı şirkätenä burıçqa aqça birergä äzer. Älbättä Yewropa yäki AQŞ bankı kebek berençe däräcä xalıqara bank garantiäläre nigezendä" dide Putin. Rusiä 2006-nçı yılda Ukraina öçen gaz bäyäsen 4 tapqırdan artığraqqa kütärep şunduq dönya bazarı bäyäsenä citkerergä teli. Ukraina gaz bäyäsen aqrınlap kütärüne sorıy. Bügen Ukraina prezidentı Viktor Yuşçenko Rusiäneñ gaz öçen sorağan bäyäse qabul itelmäslek dide. Ul şulay uq ukrainalılar bıyıl salqında qalmıyaçaq dip wäğdä itte. Ägär kileşügä ireşelmäsä Ukrainağa gaz cibärü bu yäkşämbedä ük tuqtalırğa mömkin.

XS
SM
MD
LG