Европа финанс базарларында сәүдә бәяләрнең үсүе белән башланып китте. Русия биржаларында да хиссәләрнең кыйммәте артты. Аңарчы Австралия һәм Азия базарларында да үсеш булган, нефтьнең бәясе арткан.
Якшәмбе көнне Евро зонага кергән 15 ил кризиска каршы уртак чаралар планын раслаган иде. Алар нигезендә, банкара кредитларга дәүләтнең гарантияләре биреләчәк. “Зур сигезлек” илләре дә кризиска каршы җитди чараларын күрергә вәгъдә итте.
