Медведев Обама идарәсе белән мөнәсәбәтне яхшыртмакчы

Русия президенты Дмитрий Медведев гыйнвар аенда АКШта хакимияткә Барак Обама килгәннән соң Вашингтон белән мөнәсәбәтләрне яхшыртуга өметләнүен белдерде.

Вашингтонда Тышкы мөнәсәбәтләр шурасында чыгыш ясап Медведев АКШның Чехиядә һәм Польшада ракета калканы урнаштыру планы турында сөйләшергә әзер булуын әйтте.

Күптән түгел Медведев АКШның бу планына җавап буларак Калининград өлкәсендә якын ара ракеталар урнаштыру белән янаган иде.