Стәрлетамаҡтың тәртип һаҡлау органдары ҡанунһыҙ әйләнештән араҡы алған

Ҡалала үткәрелгән “Фальсификат” операцияһы һөҙөмтәләре ошолай. Спиртлы эсемлектәрҙең барыһы ла билдәле маркалар исеменән эшләнгән. Енәйәтсел төркөмдәр үҙ продукцияһын “Президент Отель”, “Купец” исемле эсемлектәр менән сығарыуҙы отошло юл тип һанаған.

Тикшереү барышында бер кешенән йыуылған шешәләр, ҡапҡас һәм таҙартылған һыу табыла. Сауҙәгәрҙәр үҙ тауарына антисептин да ҡушҡан. Туғыҙ көн эсендә республика милиционерҙары ҡанунһыҙ әйләнештән өс мең литр самаһы ялған араҡы сығара.